Bankaráð hefur yfirumsjón með starfsemi bankans í samræmi við lög, reglugerðir og samþykktir. Bankaráð mótar almenna stefnu bankans og skal annast um að skipulag og starfsemi bankans sé jafnan í réttu horfi. Bankaráð skal einnig hafa með höndum almennt eftirlit með rekstri bankans og að nægilegt eftirlit sé haft með bókhaldi og meðferð fjármuna félagsins.
Starfsreglur bankaráðs
Sérstakar starfsnefndir bankaráðs
Bankaráð Landsbankans skipa*
Gunnar Helgi Hálfdanarson, formaður
Gunnar Helgi er fæddur árið 1951 og búsettur á Íslandi. Gunnar Helgi er viðskiptafræðingur frá Háskóla Íslands og er með meistarapróf í rekstrarhagfræði frá McMaster University í Kanada. Gunnar Helgi var forstjóri Landsbréfa hf. á árunum 1989-1999 og framkvæmdastjóri Eignastýringar Landsbanka Íslands hf. frá 1997 til 1999. Hann var framkvæmdastjóri hjá bandaríska sjóðastýringarfyrirtækinu AllianceBernstein Investments á Norðurlöndunum, með aðalskrifstofu í Stokkhólmi, á árunum 1999-2009. Þar voru helstu verkefni hans þróun viðskiptasambanda við stærstu banka Norðurlandanna og íslenska lífeyrissjóði. Gunnar Helgi hefur setið í bankaráði Landsbankans frá febrúar 2010. Gunnar Helgi á ekki hlut í bankanum, hvorki beint eða í gegnum tengda aðila. Hann hefur ekki gert kaupréttarsamning við bankann. Þá hefur Gunnar Helgi engin hagsmunatengsl við helstu viðskiptaaðila og samkeppnisaðila bankans né stóra hluthafa.
Sigríður Hrólfsdóttir, varaformaður
Sigríður er fædd árið 1967 og búsett á Íslandi. Sigríður er viðskiptafræðingur frá Háskóla Íslands og með meistaragráðu í rekstrarhagfræði frá University of California í Berkeley. Sigríður starfaði á fjárstýringarsviði Íslandsbanka á árunum 1994-1998 og síðan hjá Eimskip frá 1998 til 2004, upphaflega sem forstöðumaður fjárreiðudeildar en síðan sem framkvæmdastjóri fjármálasviðs frá árinu 2000. Hún var framkvæmdastjóri fjárfestinga- og fjármálasviðs Tryggingamiðstöðvarinnar 2007-2008 og starfaði sem framkvæmdastjóri Árvakurs frá 2009-2010. Sigríður hefur setið í bankaráði Landsbankans frá febrúar 2010. Sigríður á ekki hlut í bankanum, hvorki beint eða í gegnum tengda aðila. Hún hefur ekki gert kaupréttarsamning við bankann. Þá hefur Sigríður engin hagsmunatengsl við helstu viðskiptaaðila og samkeppnisaðila bankans né stóra hluthafa.
Andri G. Arinbjarnarson
Andri er fæddur árið 1959 og búsettur í Bretlandi. Andri Geir var 1. varamaður bankaráðs frá febrúar 2010, en tók sæti Guðríðar Ólafsdóttur þegar hún sagði sig úr bankaráði í maí 2011. Andri Geir er verkfræðingur frá Háskóla Íslands og með meistaragráðu í verkfræði frá Tækniháskólanum í Lyngby. Hann hefur einnig lokið MBA frá Stanford University, Graduate School of Business, í Bandaríkjunum. Hann á og rekur fyrirtækið AGA Partners, en var áður framkvæmdastjóri sænsk-bandaríska ráðgjafafyrirtækisins Search Value. Þar áður var hann einn eigenda og lykilstarfsmanna ráðgjafa- og ráðningafyrirtækisins Whitehead Mann í Lundúnum. Andri Geir hefur setið í bankaráði Landsbankans frá febrúar 2010. Andri Geir á ekki hlut í bankanum, hvorki beint eða í gegnum tengda aðila. Hann hefur ekki gert kaupréttarsamning við bankann. Þá hefur Andri Geir engin hagsmunatengsl við helstu viðskiptaaðila og samkeppnisaðila bankans né stóra hluthafa.
Þórdís Ingadóttir
Þórdís er fædd árið 1969 og búsett á Íslandi. Þórdís er lögfræðingur (cand. jur.) frá lagadeild Háskóla Íslands og með LL.M. gráðu í alþjóðalögum frá New York University School of Law. Þórdís er dósent við lagadeild Háskólans í Reykjavík og sinnir þar kennslu jafnt sem rannsóknum. Á árunum 1999-2003 starfaði hún hjá New York University og á árinu 2004 hjá lagaskrifstofu dóms- og kirkjumálaráðuneytis. Þórdís hefur gegnt margvíslegum trúnaðarstörfum, m.a. fyrir stjórnvöld, alþjóðastofnanir, háskóla og félagasamtök. Þórdís hefur setið í bankaráði Landsbankans frá apríl 2010. Þórdís á ekki hlutabréf í bankanum, hvorki beint eða í gegnum tengda aðila. Hún hefur ekki gert kaupréttarsamning við bankann. Þá hefur Þórdís engin hagsmunatengsl við helstu viðskiptaaðila og samkeppnisaðila bankans né stóra hluthafa.
Ólafur Helgi Ólafsson
Ólafur Helgi er fæddur árið 1945 og búsettur á Íslandi. Ólafur Helgi er viðskiptafræðingur frá Háskóla Íslands og á að baki langan feril í íslensku atvinnulífi. Lengst af var hann framkvæmdastjóri Lýsingar, eða í 15 ár, en áður var hann fjármálastjóri sama félags, fjármálastjóri Orkubús Vestfjarða, deildarstjóri tölvudeildar Heimilistækja og deildarstjóri tölvudeildar Ísal. Frá árinu 2007 hefur Ólafur rekið eigið ráðgjafarfyrirtæki. Hann situr í stjórn Eimskips og Urriðaholts ehf. Ólafur Helgi hefur setið í bankaráði Landsbankans frá nóvember 2010. Ólafur Helgi á ekki hlut í bankanum, hvorki beint né í gegnum tengda aðila. Hann hefur ekki gert kaupréttarsamning við bankann. Þá hefur Ólafur Helgi engin hagsmunatengsl við helstu viðskiptaaðila og samkeppnisaðila bankans né stóra hluthafa.
Varamenn*
Jón Sigurðsson
Jón er fæddur árið 1954 og búsettur á Íslandi. Hann er viðskiptafræðingur frá Háskóla Íslands. Jón starfar sem framkvæmdastjóri innkaupasviðs hjá Promens, en áður starfaði hann sem framkvæmdastjóri fjármálasviðs félagsins frá stofnun þess til ársins 2007. Á árunum 1999-2004 starfaði Jón sem forstöðumaður fjárfestingarsviðs hjá Framtaki fjárfestingarbanka. Jón starfaði fyrir Coca-Cola árin 1991-1999, fyrst sem fjármálastjóri Vífilfells og síðar fyrir svæðisskrifstofu Coca-Cola í Noregi, fyrst sem yfirmaður hagdeildar og síðan yfirmaður á þróunar- og fjárfestingarsviði. Á árunum 1986-1991 starfaði Jón sem fjármálastjóri Hans Petersen en þar á undan sem rekstrarráðgjafi hjá Hagvangi. Hann hefur verið varamaður í bankaráði síðan í apríl 2010. Jón á ekki hlut í bankanum, hvorki beint né í gegnum tengda aðila. Hann hefur ekki gert kaupréttarsamning við bankann. Horn fjárfestingarfélag hf., dótturfélag Landsbankans, á 49,9% hlut í Promens. Jón hefur engin önnur hagsmunatengsl við helstu viðskiptaaðila bankans. Þá hefur Jón engin hagsmunatengsl við samkeppnisaðila bankans né stóra hluthafa.
Helga Loftsdóttir
Helga er fædd árið 1962 og búsett á Íslandi. Helga er lögfræðingur (cand.jur.) frá lagadeild Háskóla Íslands og hefur haft réttindi til málflutnings fyrir héraðsdómi frá árinu 1997. Helga hefur verið eignaraðili að og rekið Þ & L lögmannsstofu frá árinu 1997. Á árunum 1991-1994 starfaði Helga á lögmannsstofunni Garðastræti 17 sf. og sem lögfræðingur hjá Ríkisskattstjóra á árunum 1994-1997. Helga sat í stjórn Spkef sparisjóðs frá stofnun sjóðsins árið 2010 þar til hann var yfirtekinn af Landsbankanum árið 2011. Helga á ekki hlut í bankanum, hvorki beint né í gegnum tengda aðila. Hún hefur ekki gert kaupréttarsamning við bankann. Þá hefur Helga engin hagsmunatengsl við helstu viðskiptaaðila og samkeppnisaðila bankans né stóra hluthafa.
Kristján Þ. Davíðsson
Kristján er fæddur árið 1960 og búsettur á Íslandi. Hann er með skipstjórnarpróf frá Stýrimannaskóla Íslands og meistaragráðu í sjávarútvegsfræði frá Háskólanum í Tromsö í Noregi. Kristján starfar sem framkvæmdastjóri Isder ehf. síðan 2009. Áður var hann framkvæmdastjóri skilanefndar Glitnis banka hf. frá 2008-2009, en hann var um árabil starfsmaður Glitnis/Íslandsbanka og starfaði þar meðal annars sem framkvæmdastjóri fyrirtækjasviðs og sem forstöðumaður sjávarútvegsviðskipta á alþjóðasviði bankans. Hann hefur starfað hjá SÍF hf. og Marel hf. við sölu og markaðsstörf og einnig sem forstjóri Granda hf. og aðstoðarforstjóri HB Granda hf. Kristján situr í stjórn norska útgerðar- og fiskvinnslufyrirtækisins Copeinca ASA og einnig í stjórnum Vaka fiskeldiskerfa hf. og Völku hf. Hann er kjörræðismaður Brasilíu á Íslandi. Kristján á ekki hlut í bankanum, hvorki beint né í gegnum tengda aðila. Hann hefur verið varamaður í bankaráði Landsbankans frá því í apríl 2011. Hann hefur ekki gert kaupréttarsamning við bankann. Þá hefur Kristján engin hagsmunatengsl við helstu viðskiptaaðila og samkeppnisaðila bankans né stóra hluthafa.
Tinna Laufey Ásgeirsdóttir
Tinna Laufey er fædd árið 1975 og búsett á Íslandi. Tinna Laufey lauk doktorsprófi í hagfræði frá University of Miami í Bandaríkjunum árið 2006, en þar áður stundaði hún meistaranám í hagfræði við sama skóla og sagnfræði við Háskóla Íslands. Tinna Laufey hefur stundað kennslu og rannsóknir hérlendis og erlendis og gegnir nú lektorsstöðu við Háskóla Íslands. Hún hefur skrifað fjölda greina í vísindatímarit, auk fræðibóka og bókakafla á íslensku og ensku. Hún hefur jafnframt sinnt margvíslegum ráðgjafastörfum fyrir fyrirtæki og stofnanir. Tinna Laufey gegnir ýmsum stjórnunarstörfum sem tengjast kennslu og vísindum og situr meðal annars í Háskólaráði Háskóla Íslands. Tinna Laufey hefur ekki áður setið í bankaráði Landsbankans. Tinna Laufey á ekki hlut í bankanum, hvorki beint né í gegnum tengda aðila. Hún hefur ekki gert kaupréttarsamning við bankann. Þá hefur Tinna Laufey engin hagsmunatengsl við helstu viðskiptaaðila og samkeppnisaðila bankans né stóra hluthafa.
Þorsteinn Garðarsson
Þorsteinn er fæddur árið 1952 og búsettur á Íslandi. Þorsteinn er viðskiptafræðingur frá Háskóla Íslands. Hann á og rekur fyrirtækið Action Day, sem framleiðir hugbúnað og skipulagsbækur fyrir erlenda markaði. Hann starfaði sem stundakennari við Viðskiptadeild HÍ 1998-2002 og var þar áður framkvæmdastjóri hjá Skýrr árin 1985-1998. Á árunum 1981-1985 starfaði hann fyrir Samtök sveitarfélaga á Suðurlandi og hafði m.a. umsjón með Iðnþróunarsjóði Suðurlands. Hann hefur auk þess verið sveitarstjóri í Ölfushreppi og starfað hjá Þjóðhagsstofnun. Þorsteinn hefur verið varamaður í bankaráði frá nóvember 2010. Þorsteinn á ekki hlut í bankanum, hvorki beint né í gegnum tengda aðila. Hann hefur ekki gert kaupréttarsamning við bankann. Þá hefur Þorsteinn engin hagsmunatengsl við helstu viðskiptaaðila og samkeppnisaðila bankans né stóra hluthafa.
*Fyrstu fjórir aðal- og varamenn í upptalningunni eru tilnefndir af Bankasýslu ríkisins, en þeir
síðasttöldu eru tilnefndir af Landskilum ehf.
