Einkunnarorð stefnunnar eru hlustum, lærum og þjónum og í þeim endurspeglast sú mikla áherslubreyting sem fyrirhuguð er í rekstri hans. Þung áhersla verður á að hlusta á viðskiptavini, læra af reynslunni og þá staðreynd að Landsbankinn er umfram allt þjónustufyrirtæki. Stefnan hvílir á fjórum meginstoðum, eða helstu áherslum, sem kallast áhugi, áreiðanleiki, ábyrgð og ávinningur.

Markmið bankans byggjast á stefnunni og eru ófrávíkjanlegur hluti hennar. Helstu markmiðin flokkast undir fjögur yfirheiti. Það fyrsta er "öflug liðsheild", þar sem lögð er áhersla á að starfsmenn komi fram  sem ein heild sem vinnur ötullega að sama markmiði eftir skil-

greindum leiðum. "Traustir innviðir" vísa til þess markmiðs að ná fram hagfelldu hlutfalli á milli kostnaðar og tekna og jafnframt að sjá vanskil viðskiptavina lækka verulega. Þriðja yfirmarkmiðið er "ánægðir viðskiptavinir" og undir það flokkast m.a. úrvinnsla skuldamála fyrirtækja og heimila. Síðast en ekki síst er fjórða yfirheitið, "ávinningur fyrir samfélagið", og undir það fellur traust, arðsemi og uppgjör við Landsbanka Íslands hf. Öll markmið eru sett þannig upp að hægt sé að mæla árangurinn með reglubundnum hætti.

Nánar um stefnuna

Opnir fundir um allt land

Við höldum áfram að móta Landsbankann í takt við nýja stefnu. Haldnir verða opnir fundir um land allt til að eiga opinskáar umræður um stefnu okkar og fjalla um fjárfestingu, nýsköpun og uppbyggingu atvinnulífsins. Fundirnir fara fram á tímabilinu 14.-29. febrúar 2012.

Nánar

Breytingar frá hruni

Því hefur verið lýst yfir af hálfu Landsbankans að bankinn og starfsmenn hans skorist ekki undan ábyrgð á verkum sínum. Við höfum treyst innviðina og gert róttækar breytingar á starfseminni. Grunnskipulag bankans hefur endurskoðað og áhersla færst á viðskiptabankastarfsemi. Hér eru nýir stjórnendur, ný útlánastefna og nýtt regluverk.

Nánar um breytingarnar

Aðgerðir ársins 2011

Í byrjun árs lagði Landsbankinn fram aðgerðalista í takt við nýja stefnu og hefur þeim fyrirheitum sem þar voru kynnt nú verið komið í verk. Haldnir voru níu opnir fundir víðs vegar um landið þar sem markmiðið var að hlusta eftir viðbrögðum almennings við nýrri stefnu bankans og framtíðarsýn hans.

Nánar um fundina

Nánar um aðgerðalistann