Breytingar á starfsemi bankans

Því hefur verið lýst yfir af hálfu Landsbankans að bankinn og starfsmenn hans skorist ekki undan ábyrgð á verkum sínum á síðustu árum. Við viljum læra af því sem misfórst.

Af þeim sökum hefur yfirstjórn bankans hlutast til um viðamikið endurskoðunar- og úrbótastarf á skipulagi, stjórnarháttum, reglum og verkferlum. Grunnskipulag bankans hefur verið endurskoðað og áhersla færst á kjarnastarfsemi bankans.

Traustari innviðir

• Hugmyndafræði bankans og stefna hefur verið endurskoðuð meðal annars af starfsmönnum í viðamikilli stefnumótunarvinnu. Ný stefna Landsbankans hefur verið samþykkt af Bankaráði. 
• Regluverkið í heild hefur verið endurunnið og er í frekari endurskoðun, en nýjar almennar útlána- og áhættureglur bankaráðs, þar sem kveðið er á um áhættuvilja Landsbankans, voru samþykktar af Bankaráði. Þá voru útlána- og áhættuferlar einnig endurskoðaðir.  
• Störf Bankaráðs og undirnefnda þess hafa verið endurskoðuð. 
• Settar hafa verið á stofn deildir til að takast á við sértækan skuldavanda fyrirtækja og einstaklinga.  
• Innri endurskoðun hefur verið efld og nýr yfirmaður fer fyrir starfseminni. 
• Áhættustýring bankans, sem tekur á útlánaáhættu, markaðsáhættu, lausafjáráhættu og rekstraráhættu, hefur verið efld og nýr yfirmaður ráðinn. Áhættustýring heyrir nú undir bankastjóra ólíkt því sem áður var þar sem hún tilheyrði tveimur stoðsviðum bankans. 
• Regluvörður bankans heyrir nú beint undir bankastjóra en var áður hluti af Lögfræðisviði. Með þessu hefur Regluvörður verið gerður sjálfstæðari í störfum sínum. Þá hefur verið tryggt betra upplýsingaflæði til Regluvarðar. 
• Komið hefur verið á fót nýskipan á Fjármálasviði með það að markmiði að auka áherslu á áætlanagerð og sérstök deild hefur verið stofnuð um hana.  
• Tugir verkferla hafa verið endurskoðaðir og þeim breytt eða lagaðir að hertum kröfum og viðmiðunum.  
• Skipt hefur verið um lykilstjórnendur í bankanum og nýtt fólk ráðið í fjölmörg stjórnunar- og ábyrgðarstörf. Allir lykilstjórnendur hafa gengist undir hæfismat. 
• Stjórnarhættir Landsbankans hafa verið í endurskoðun og verklagi breytt því til samræmis.

Helstu breytingar

2009

• Nýr innri endurskoðandi ráðinn til bankans í janúar 2009. 
• Umboðsmaður viðskiptavina tók til starfa í janúar 2009. Hann er ráðinn af Bankaráði en heyrir beint undir bankastjóra. 
• Greiðslujöfnun erlendra lána kynnt í mars 2009.
• Óverðtryggð íbúðalán kynnt í apríl 2009. 
• Útlánaheimildir allra starfsmanna endurskoðaðar í maí 2009. 
• Heimilisbókhald í Einkabankann í júní 2009. 
• Lækkaðu yfirdráttinn kynnt í september 2009. 
• Nýjar reglur um rekstraráhættu tóku gildi í október 2009.

2010

• Nýjar lausafjárreglur settar í janúar 2010. 
• 110% aðlögun íbúðalána kynnt í janúar 2010.
• Endurgreiðsla hluta vaxtagreiðslna íbúðalána til skilvísra viðskiptavina framkvæmd í febrúar 2010. 
• Fasteignagrunnur, reikningur fyrir þá sem vilja spara fyrir húsnæðiskaupum, kynntur í febrúar 2010. 
• Bankaráð samþykkti í febrúar 2010 að Landsbankinn skuli tryggja fyrir árslok 2013 að hlutur hvors kyns verði ekki undir 40% í forystusveit bankans og dótturfélaga hans. Í aðgerðalista bankans til næstu sex mánaða er loforð um að jafna hlutföll í öllum stjórnum dótturfélaga bankans. 
• Nýr yfirmaður Áhættustýringar ráðinn í mars 2010. 
• 25% lækkun höfuðstóls kynnt í maí 2010. 
• Nýr bankastjóri ráðinn í maí 2010 eftir auglýsingu. 
• Fjárhagur, fjármálablogg Landsbankans, opnað í júní 2010. 
• Einstaklingum með fasteignalán í erlendri mynt með veði í íbúðarhúsnæði boðnar fastar mánaðarlegar greiðslur í júlí 2010. 
• Störf allra framkvæmdastjóra auglýst í ágúst 2010. 
• Ráðgjafastofa einstaklinga stofnsett í september 2010. 
• Sértæk úrræði fyrir fyrirtæki bætt í september 2010. 
• Útlánastefna, útlánaferill og útlánareglur endurskoðaðar haustið 2010. 
• Metanlán kynnt í október 2010. 
• Nýtt skipurit tekur gildi í október 2010. 
• Ný framkvæmdastjórn ráðin í október 2010, skipuð fjórum konum og fjórum körlum.  
• Ný stefna Landsbankans kynnt í október 2010. 
• Samfélag í nýjan búning – nýtt verkefni um stuðning við samfélagið kynnt í október 2010. 
• Skrifað undir samkomulag um úrræði fyrir lítil og meðalstór fyrirtæki, Beinu brautina, í desember 2010. 
• Sérfræðingur í málefnum samfélagslegrar ábyrgðar ráðinn í desember 2010 eftir auglýsingu. 
• Endurútreikningur á gengistryggðum fasteignalánum birtur í Einkabankanum í desember 2010.

2011

• Nýr Samfélagssjóður stofnsettur í janúar 2011. 
• Landsbankinn fær endurnýjun á alþjóðlegri vottun vegna upplýsingaöryggis í janúar 2011. 
• Reglur um stórar áhættuskuldbindingar endurskoðaðar og uppfærðar í janúar 2011.
• Landsbankinn heldur opna fundi um land allt með nýjum stjórnendum bankans í febrúar 2011.
• Ný stefna bankans með yfirheitinu “Landsbankinn þinn” og 28 aðgerðir til stuðnings stefnunni eru kynnt á opnum fundum um land allt í febrúar 2011.
• Landsbankinn setur sér siðasáttmála í febrúar 2011.
• Nýjar útlánareglur samþykktar í bankaráði Landsbankans í febrúar 2011.
• Landsbankinn lýkur endurútreikningi á öllum erlendum húsnæðislánum í febrúar 2011.
• Landsbankinn tekur formlega við Avant hf. í febrúar 2011.
• Samruni Landsbankans og Spkef gengur í gegn í mars 2011
• Kynjahlutfall í stjórnum dótturfyrirtækjabanknas er jafnað í mars 2011 líkt og þegar hafði verið gert í framkvæmdastjórn.
• Umboðsmaður fyrirtæja ráðinn í mars 2011.
• Útibú Landsbankans að Laugavegi 77 og Holtagörðum sameinuð í mars 2011.
• Stjórnarhættir bankans eru kynntir opinberlega í apríl 2011.
• SP-Fjármögnun og Avant sameinuð Landsbankanum í apríl 2011.
• Landsbankinn kynnir nýja stefnu um samfélagslega ábyrgð í apríl 2011.
• Landsbankinn lækkar skuldir tugþúsunda heimila í maí 2011 með nýjum úrræðum sem snerta allt að 60.000 einstaklinga.
• Öllum fyrirtækjum sem féllu undir skilgreininguna um Beina brautina og sent höfðu inn gögn höfðu fengið tilboð um skuldaaðlögun í maí 2011.
• Allir starfsmenn Landsbankans höfðu lokið við að skrifa undir siðasáttmálann í maí 2011.
• Óháð mat staðfestir réttmæti endurútreiknings erlendra lána bankans í júní 2011.
• Innkaupastefna bankans með samfélagslegum áherslum kynnt í júní 2011.
• Landsbankinn býður fyrirtækjum með gengistryggð lán endurútreikning í júní 2011.
• Landsbankinn heldur fundi í öllum landshlutum um fjárfestingu í atvinnulífi með forsvarsmönnum sveitarfélaga, atvinnuþróunarfélaga og öðrum hagsmunaaðilum í júní 2011.
• Landsbankinn klárar í júní 2011 öll 28 loforðin sem sett voru fram í aðgerðalista í febrúar.
• Bankaráð Landsbankans framkvæmir árlegt árangursmat í júní 2011 í samræmi við stjórnarhætti bankans.
• Landsbankinn kynnir skráningu tveggja dótturfélaga á markað í júní 2011.