Fréttir

05. september 2019 16:33

Landsbankinn + Iceland Airwaves kynna: Una Schram

Landsbankinn hitar upp fyrir Iceland Airwaves með því að birta ný myndbönd og viðtöl við ungt tónlistarfólk á Iceland Airwaves-vef bankans. Að þessu sinni mun bankinn birta eitt myndband í einu og fyrsti tónlistarmaðurinn í ár var Krassasig. Nú er komið að myndbandi númer tvö í röðinni og er það með söngkonunni Unu Schram. Una Schram hefur verið að semja lög frá 10 ára aldri, en það var ekki fyrr en á þessu ári sem hún sendi frá sér frumsamda tónlist. Ástin er Unu stöðugur innblástur og lögin á þröngskífunni hennar „Energy“ fjalla meira og minna öll um kærastann hennar með einum eða öðrum hætti. Hann er enskumælandi og það er ekki síst svo hann skilji sem henni er mikið í mun að syngja á ensku.

Tónlistarhátíðin Iceland Airwaves verður haldin dagana 6. - 9. nóvember í miðborg Reykjavíkur. Landsbankinn hefur verið einn af aðalbakhjörlum hátíðarinnar frá árinu 2014. Í tengslum við hátíðina heldur bankinn úti vefnum Landsbankinn.is/icelandairwaves og þar hafa verið birt myndbönd og viðtöl við unga og upprennandi tónlistarmenn í gegnum árin. Á vefnum er hægt að fá forsmekkinn að einni stærstu tónlistarhátíð ársins og sjá dæmi um þá miklu grósku sem er í íslensku tónlistarlífi. Einnig geta viðskiptavinir Landsbankans keypt miða á sérstöku Landsbankaverði í gegnum vefinn.

Off-venue tónleikar

Landsbankinn mun einnig standa að svokölluðum Off-venue tónleikum í tengslum við hátíðina. Nánari upplýsingar um tíma og staðsetningu koma síðar.

 

15. október 2019 10:30

Landsbankinn + Iceland Airwaves kynna: Tómas Welding

Landsbankinn hitar upp fyrir Iceland Airwaves með því að birta ný myndbönd og viðtöl við ungt tónlistarfólk á Iceland Airwaves-vef bankans. Nú er komið að síðasta myndbandinu sem er með söngvaranum Tómasi Welding.


Nánar

15. október 2019 14:59

Hagsjá: Greiðslukortavelta jókst lítillega í september

Kortanotkun Íslendinga jókst um 0,5% milli ára í september og þróast nú í auknum mæli í takt við kaupmátt


Nánar

15. október 2019 09:08

Hagsjá: Spáum 2,6% verðbólgu í október

Hagstofan birtir októbermælingu vísitölu neysluverðs (VNV) mánudaginn 28. október. Hagfræðideild Landsbankans spáir 0,2% hækkun vísitölunnar milli mánaða. Gangi spáin eftir lækkar verðbólgan úr 3,0% í 2,6%.


Nánar