Fréttir og útgáfuefni

- Fréttir og tilkynningar

Kanínur, bláskel, mysa og japönsk sæeyru í hópi ellefu bestu hugmynda

Ellefu bestu viðskiptahugmyndirnar í nýsköpunarsamkeppni Matís og Landsbankans hafa verið valdar. Keppnin ber yfirskriftina „Þetta er eitthvað annað" og vísar til umræðu um nýjungar í atvinnulífi sem oft lýkur á þann hátt að „gera eigi eitthvað annað", eða til einhverra óskilgreindra úrræða sem margir tala um en hafa ekki nafn yfir. Í þessari samkeppni skapast einmitt tækifæri til að gera „eitthvað annað".

Aðstandendur efstu hugmyndanna hafa hlotið fræðslu á vegum Matís um þróunar- og framleiðsluferla í matvæla- og líftækniiðnaði og frá Landsbankanum um áætlanagerð og kynningu fyrir fjárfesta með það að markmiði að þeir eigi auðveldara með að ýta verkefnunum áfram.

Eftirtaldar viðskiptahugmyndir þóttu skara framúr að þessu sinni:

  • GeoSilica - Kísilsvifvökvi sem fæðubótarefni
  • Þoran - framleiðsla á íslensku gæðaviskí
  • Sæbýli - ræktun á japönskum sæeyrum til útflutnings
  • Bláskel - veiði á villtri bláskel
  • Hai Sen súpa - vinnsla á sægúrkum til framleiðslu súpu
  • Humarbollur - framleiðsla bolla úr vannýttu kjöti úr humarklóm
  • Íslandus - drykkja- og ísframleiðsla úr mysu
  • Rófusnakk - þróun og framleiðsla á flögum úr íslenskum gulrófum
  • Bygg og þarapasta - þróun og framleiðsla á hollu pasta
  • Íslenska saltbrennslan - nýting þara til saltframleiðslu
  • Kanínurækt - ræktun á kanínum til manneldis

Peningaverðlaun og mikilvægur stuðningur

Verðlaunin í nýsköpunarkeppninni verða afhent í byrjun október.  Þá kemur í ljós hver af þessum ellefu hugmyndum hefur þótt skara framúr. Landsbankinn veitir 1 milljón króna peningaverðlaun fyrir bestu hugmyndina auk þess sem Matís veitir þeim sem hlutskarpastir verða mikilvæga tæknilega ráðgjöf og aðstöðu til að vinna áfram að sínum hugmyndum.

Þá fá aðstandendur þriggja til fimm bestu viðskiptahugmyndanna tækifæri til að kynna hugmynd sína fyrir völdum fjárfestum.

Aðstandendur keppninnar ætla henni að vera öflugur hvati til uppbyggingar lítilla og meðalstórra fyrirtækja á sviði matvæla og líftækni, með varanlega verðmætasköpun að leiðarljósi.

Fjárfestatengsl - 20. september 2018 15:16

Landsbankinn greiðir 9,5 milljarða króna í sérstaka arðgreiðslu

Landsbankinn greiddi þann 19. september sl. 9,5 milljarða króna í sérstaka arðgreiðslu. Bankinn hefur þar með greitt 24,8 milljarða króna í arð árinu 2018 og alls nema arðgreiðslur bankans um 131,7 milljörðum króna frá árinu 2013. Um 99,7% af arðgreiðslum ársins renna í ríkissjóð.


Nánar

Fjárfestatengsl - 30. ágúst 2018 14:41

Landsbankinn gefur út víkjandi skuldabréf að fjárhæð 100 milljónir evra

Landsbankinn lauk í dag sölu á fyrstu víkjandi skuldabréfaútgáfu bankans að fjárhæð 100 milljónir evra. Skuldabréfin eru gefin út til tíu ára með innköllunarheimild að fimm árum liðnum. Gert er ráð fyrir að þau fái lánshæfiseinkunnina BBB- frá S&P Global Ratings.


Nánar

Fjárfestatengsl - 26. júlí 2018 16:14

Uppgjör Landsbankans fyrir fyrri helming ársins 2018

Afkoma Landsbankans var jákvæð um 11,6 milljarða króna eftir skatta á fyrri helmingi ársins 2018 samanborið við 12,7 milljarða króna hagnað á sama tímabili árið 2017.


Nánar