Fréttir og útgáfuefni

- Fjárfestatengsl

Landsbankinn gefur út skuldabréf í sænskum krónum

Landsbankinn lauk í dag við skuldabréfaútgáfu í sænskum krónum. Samtals voru gefin út skuldabréf fyrir 1 milljarð sænskra króna (SEK), til fjögurra ára.

Skuldabréfin eru útgefin í tveimur flokkum, annars vegar SEK 750 milljónir á 1,375% föstum vöxtum og hins vegar SEK 250 milljónir á breytilegum vöxtum sem bera 1,5% vaxtaálag ofan á millibankavexti í sænskum krónum.

Skuldabréfin voru seld til fjárfesta í Svíþjóð, Noregi og Finnlandi. Umsjónaraðili útgáfunnar var DNB Markets. Bréfin eru gefin út undir EMTN-skuldabréfaútgáfuramma Landsbankans og verða þau skráð í Kauphöllinni á Írlandi.

Fjárfestatengsl - 07. maí 2020 16:48

Uppgjör Landsbankans fyrir fyrstu þrjá mánuði ársins 2020

Afkoma Landsbankans var neikvæð um 3,6 milljarða króna eftir skatta á fyrstu þremur mánuðum ársins 2020, samanborið við 6,8 milljarða króna hagnað á sama tímabili árið 2019. Virðisrýrnun útlána nam 5,2 milljörðum króna á tímabilinu, samanborið við virðisrýrnun upp á 1 milljarð króna á sama tímabili í fyrra.


Nánar

Fjárfestatengsl - 24. apríl 2020 17:55

S&P lækkar lánshæfismat Landsbankans í BBB með stöðugum horfum

Alþjóðlega lánshæfismatsfyrirtækið S&P Global Ratings tilkynnti í dag um lækkun á lánshæfismati Landsbankans fyrir skuldbindingar til lengri tíma. Lækkunin nemur einu þrepi og er lánshæfismat bankans því BBB/A-2 með stöðugum horfum.


Nánar

Fjárfestatengsl - 22. apríl 2020 15:03

Niðurstöður aðalfundar Landsbankans 2020

Aðalfundur Landsbankans var haldinn 22. apríl 2020 í höfuðstöðvum bankans í Austurstræti 11 í Reykjavík. Á fundinum flutti Helga Björk Eiríksdóttir, formaður bankaráðs, skýrslu bankaráðs og Lilja Björk Einarsdóttir, bankastjóri, fjallaði um sterka stöðu bankans og góðan árangur á árinu 2019.


Nánar