Fréttir og útgáfuefni

- Fjárfestatengsl

Arinbjörn Ólafsson ráðinn framkvæmdastjóri upplýsingatæknisviðs Landsbankans

Arinbjörn Ólafsson
Arinbjörn Ólafsson

Arinbjörn Ólafsson hefur verið ráðinn framkvæmdastjóri upplýsingatæknisviðs Landsbankans og tekur þegar til starfa. Alls sóttu 45 manns um starfið.

Arinbjörn lauk M.Sc. prófi í iðnarverkfræði frá Háskóla Íslands árið 2000 og Ph.D gráðu í sömu grein frá Háskólanum í Wisconsin í Bandaríkjunum árið 2006. Hann hóf störf á verðbréfasviði Landsbankans árið 2006. Árin 2009-2015 vann hann að fjárhagslegri endurskipulagningu fyrirtækja og stýrði endurútreikningi gengistryggðra lána. Arinbjörn hefur starfað sem forstöðumaður upplýsingatæknideildar hjá Landsbankanum frá árinu 2015.

Lilja Björk Einarsdóttir, bankastjóri Landsbankans segir: „Arinbjörn hefur yfirgripsmikla þekkingu á bankarekstri og rekstri tölvu- og upplýsingakerfa og langa reynslu af því að stýra stórum og flóknum verkefnum. Landsbankinn leggur mikla áherslu á stafræna tækni og reynsla Arinbjarnar mun nýtast bankanum einkar vel við frekari framþróun á því sviði.

Á upplýsingatæknisviði Landsbankans starfa um 170 manns. Undir sviðið fellur m.a. rekstur, viðhald og þróun á tölvu- og upplýsingakerfum bankans og styður sviðið við framþróun á sviði stafrænnar tækni innan bankans.

Landsbankinn - 03. maí 2018 15:03

Uppgjör Landsbankans fyrir fyrstu þrjá mánuði ársins 2018

Afkoma Landsbankans var jákvæð um 8,1 milljarð króna eftir skatta fyrstu þrjá mánuði ársins 2018. Hagnaður bankans á sama tímabili árið 2017 nam 7,6 milljörðum króna. Arðsemi eigin fjár var 13,7% á fyrsta ársfjórðungi samanborið við 12,5% á sama tímabili 2017.


Nánar

Fjárfestatengsl - 21. mars 2018 15:45

Arðgreiðslur Landsbankans árið 2018 verða samtals 24,8 milljarðar króna

Aðalfundur Landsbankans samþykkti í dag, 21. mars, að bankinn greiði samtals út arð að fjárhæð 24,8 milljarðar króna á árinu 2018. Annars vegar er um að ræða 15.366 milljóna króna arð vegna rekstrarársins 2017 og hins vegar sérstakan arð til hluthafa að fjárhæð 9.456 milljónir króna. Alls munu arðgreiðslur bankans á árunum 2013-2018 því nema um 131,7 milljörðum króna.


Nánar

Fjárfestatengsl - 15. mars 2018 13:00

Hagnaður Landsbréfa 1.113 milljónir á árinu 2017

Hagnaður af rekstri Landsbréfa nam 1.113 milljónum króna á árinu 2017, samanborið við 702 milljóna króna hagnað fyrir rekstrarárið 2016. Aukning hagnaðar skýrist fyrst og fremst af árangurstengdum þóknunum af rekstri framtakssjóða.


Nánar