Fréttir og útgáfuefni

- Fjárfestatengsl

Landsbankinn gefur út skuldabréf fyrir 300 milljón evrur

Landsbankinn lauk 21. nóvember sölu á nýjum 5,5 ára skuldabréfaflokki að fjárhæð 300 milljónir evra með lokagjalddaga í maí 2023 og bera skuldabréfin fasta 1,00% vexti. Skuldabréfin voru seld á kjörum sem jafngilda 85 punkta álagi á miðgildi vaxtatilboða í vaxtaskiptasamningum á markaði. Heildareftirspurn nam yfir 600 milljónum evra frá 70 fjárfestum. Skuldabréfin voru seld til stofnanafjárfesta í Bretlandi, meginlandi Evrópu, Norðurlöndum og Asíu.

Andvirði skuldabréfaútgáfunnar verður meðal annars nýtt til endurfjármögnunar evru-útgáfu bankans á gjalddaga í október 2018 í framhaldi af endurkaupatilboði bankans sem lýkur á föstudag, 24. nóvember 2017.

Skuldabréfin verða gefin út undir EMTN-útgáfuramma bankans og er stefnt að því að skuldabréfin verði tekin til viðskipta í írsku kauphöllinni þann 29. nóvember 2017.

Umsjónaraðilar sölunnar voru Citigroup, Deutsche Bank, Morgan Stanley og Nomura.

Hreiðar Bjarnason, framkvæmdastjóri Fjármála hjá Landsbankanum:

„Mikil eftirspurn breiðs hóps fjárfesta í útgáfunni er til vitnis um mikið traust fjárfesta til Landsbankans og íslensks efnahagslífs. Útgáfan kemur í kjölfar nýlegrar hækkunar S&P Global Ratings á lánshæfiseinkunn bankans og er bankinn nú að fjármagna sig í erlendri mynt á betri kjörum og til lengri tíma en áður.“

Fjárfestatengsl - 05. desember 2017 11:02

Landsbankinn tekur þátt í stofnun Samtaka um ábyrgar fjárfestingar

Samtök um ábyrgar fjárfestingar á Íslandi voru stofnuð 13. nóvember sl. Tilgangur samtakanna er að stuðla að aukinni þekkingu og umræðu um aðferðafræði sjálfbærra og ábyrgra fjárfestinga. Landsbankinn er eitt af 23 fyrirtækjum sem tók þátt í stofnun samtakanna.


Nánar

Fjárfestatengsl - 30. nóvember 2017 09:30

Landsbankinn aðili að norrænu samstarfi um aukið netöryggi

Landsbankinn hefur gengið í samtökin Nordic Financial CERT sem eru samtök norænna fjármálafyrirtækja sem er ætlað að efla netöryggi og verjast glæpastarfsemi á netinu.


Nánar

Fjárfestatengsl - 27. nóvember 2017 11:11

Landsbankinn tilkynnir niðurstöður skilyrts endurkaupatilboðs

Landsbankinn hf. tilkynnti í dag um niðurstöður endurkaupatilboðs sem tilkynnt var þann 20. nóvember 2017 til eigenda skuldabréfa í flokki EUR 300.000.000 3,00% á gjalddaga árið 2018 (ISIN: XS1308312658) þar sem bankinn bauðst til að kaupa skuldabréfin til baka gegn greiðslu reiðufjár. Endurkaupatilboðið byggði á skilmálum endurkaupatilboðs (e. tender offer memorandum) dagsett 20. nóvember 2017.


Nánar