Fréttir og útgáfuefni

- Fjárfestatengsl

Áhættuskýrsla Landsbankans fyrir árið 2018

Landsbankinn hefur gefið út áhættuskýrslu fyrir árið 2018. Í skýrslunni er gerð ítarleg grein fyrir öllum þáttum áhættustjórnunar bankans og er henni ætlað að veita markaðsaðilum upplýsingar um áhættu- og eiginfjárstýringu bankans, eiginfjárstöðu hans og lausafjárstöðu.

Í skýrslunni kemur meðal annars fram að áhættustaða Landsbankans hafi lækkað lítillega á árinu 2018, mælt sem hlutfall áhættugrunns af heildareignum, þrátt fyrir talsverðan vöxt í lánasafni bankans. Allar stöður voru innan marka áhættuvilja bankans fyrir árið 2018. Skýrslan er á ensku og ber nafnið Risk and Capital Management 2018, Landsbankinn hf. Pillar III risk report.

Áhættuskýrsla Landsbankans fyrir árið 2018

Fjárfestatengsl - 15. júlí 2019 10:35

Landsbankinn valinn besti banki á Íslandi

Alþjóðlega fjármálatímaritið Euromoney hefur valið Landsbankann besta bankann á Íslandi. Euromoney útnefnir árlega bestu banka víða um heim og veitir þeim viðurkenninguna Award for Excellence. Við útnefninguna er litið til ýmissa þátta í rekstri og stefnu bankanna, eins og afkomu af reglulegri starfsemi, kostnaðarhagræðingar og þjónustuframboðs.


Nánar

Fjárfestatengsl - 02. maí 2019 16:03

Uppgjör Landsbankans fyrir fyrstu þrjá mánuði ársins 2019

Afkoma Landsbankans var jákvæð um 6,8 milljarða króna eftir skatta á fyrstu þremur mánuðum ársins 2019, samanborið við 8,1 milljarðs króna hagnað á sama tímabili árið 2018. Arðsemi eigin fjár á tímabilinu var 11,2% á ársgrundvelli, samanborið við 13,7% á sama tímabili 2018.


Nánar

Fjárfestatengsl - 17. apríl 2019 09:29

Landsbankinn fyrirmyndarfyrirtæki í góðum stjórnarháttum

Rannsóknarmiðstöð um stjórnarhætti hefur endurnýjað viðurkenningu Landsbankans sem fyrirmyndarfyrirtæki í góðum stjórnarháttum. Það eru Viðskiptaráð Íslands, Samtök atvinnulífsins, Nasdaq OMX Iceland og Rannsóknarmiðstöð um stjórnarhætti við Háskóla Íslands sem standa að viðurkenningunni.


Nánar