Fréttir

29. maí 2009 14:03

Landsbankinn styrkir fjórtán framúrskarandi námsmenn

Landsbankinn veitti í dag námsstyrki til fjórtán námsmanna. Yfir 400 umsóknir bárust um styrkina, sem eru á bilinu 150-350 þúsund krónur. Styrkirnir eru veittir í fjórum flokkum: Til framhaldsskóla- og iðnnema, til háskólanema, til háskólanema á framhaldsstigi og til listnema.

Þetta er í tuttugasta skiptið sem Landsbankinn veitir styrki af þessu tagi. Þess má geta að í ljósi þess hve mikill fjöldi efnilegra umsókna bárust var ákveðið að fjölga listnámsstyrkjum í ár úr þremur í fjóra.

Dómnefndin var skipuð fólki úr fremstu röð atvinnu- og listalífsins. Formaður dómnefndar var Haukur Halldórsson, formaður bankaráðs Landsbankans. Auk Hauks sátu í dómnefnd Rannveig Rist, forstjóri Alcan á Íslandi, Runólfur Smári Steinþórsson, forstöðumaður MBA náms við HÍ, Ágúst Guðmundsson, forseti Bandalags íslenskra listamanna, Atli Atlason, framkvæmdastjóri starfsmannasviðs Landsbankans og Viggó Ásgeirsson, forstöðumaður markaðs- og vefdeildar Landsbankans.  
 
Dómnefndin leitaðist við að velja framúrskarandi námsmenn með mikinn metnað og framtíðarsýn, sem nefndin telur líklega til að auðga íslenskt samfélag í framtíðinni. Einnig var litið til annarra atriða við valið, svo sem afreka í íþróttum, greinaskrifa, sjálfboðastarfa og þátttöku í félagsmálum.

Eftirtaldir aðilar hlutu styrk:

Styrkir til framhaldsskóla- og iðnnáms - 150.000 kr. hver

  • Arnór Ingi Sigurðsson - Flensborgarskóli
  • Bríet Bragadóttir - Menntaskólinn við Hamrahlíð
  • Hildur Hjörvar - Menntaskólinn við Hamrahlíð
Styrkir til háskólanáms - 300.000 kr. hver
  • Egill Tómasson - Háskóli Íslands
  • Fífa Finnsdóttir - Háskóli Ísland og Ningbo University
  • Ingibjörg Þ. Jóhannesdóttir - Háskólinn í Reykjavík
Styrkir til háskólanáms á framhaldsstigi - 350.000 kr. hver
  • Arnar Björn Björnsson - California Institute of Thechnology
  • Lilja Ýr Halldórsdóttir - Høgskolen í Akershus
  • Magnús Þór Torfason - Columbia Business School
  • Svandís Erna Jónsdóttir - Háskóli Íslands
Styrkir til listnáms - 350.000 kr. hver
  • Arnaldur Geir Schram - Columbia University, School of Architecture
  • Ísold Uggadóttir - Columbia University
  • Lilja Rúriksdóttir - The Juilliard School
  • Sindri Már Eydal - Norges teknisk-naturvitenskapelige universitet

04. ágúst 2020 09:15

Vikubyrjun 4. ágúst 2020

Hagstofan birti á dögunum bráðabirgðatölur um flutninga fólks til og frá landinu á öðrum ársfjórðungi og er greinilegt að útbreiðsla Covid-19-faraldursins hefur þar haft áhrif. Mun færri íslenskir ríkisborgarar fluttu af landi brott og að sama skapi fluttu mun færri erlendir ríkisborgarar til landsins en oft áður á þessum tíma árs.


Nánar

30. júlí 2020 15:59

Uppgjör Landsbankans fyrir fyrri helming ársins 2020

Afkoma Landsbankans var neikvæð um 3,3 milljarða króna eftir skatta á fyrri helmingi ársins 2020 samanborið við 11,1 milljarðs króna hagnað á sama tímabili árið 2019. Virðisrýrnun útlána nam 13,4 milljörðum króna á tímabilinu sem jafngildir um 1,1% af útlánasafni bankans, samanborið við virðisrýrnun upp á 2,4 milljarða króna á sama tímabili í fyrra.


Nánar

30. júlí 2020 10:42

Hagsjá: Aukin sala nýbygginga

Fleiri nýjar íbúðir seldust á öðrum ársfjórðungi í ár samanborið við sama tíma í fyrra. Mikið hefur verið byggt á síðustu árum og sums staðar hefur verð lækkað.


Nánar

Skráðu þig á póstlista