Fréttir

03. júní 2010 15:59

Fjórtán framúrskarandi námsmenn styrktir

Fjórtán námsmenn fengu í dag úthlutað námsstyrk frá Landsbankanum en styrkirnir eru nú veittir í 21. sinn. Vel á fimmta hundrað umsóknir bárust um styrkina, sem eru á bilinu 150 - 350 þúsund krónur.

Styrkþegar námsstyrkja Landsbankans ásamt Steinþóri Pálssyni, bankastjóra Landsbankans, og Gunnari Helga Hálfdanarsyni, formanni bankaráðs Landsbankans.

Námsstyrkir Landsbankans nema rúmlega fjórum milljónum króna, sem eru hæstu styrkveitingar banka af þessu tagi á Íslandi. Veittir eru styrkir í fjórum flokkum; til framhaldsskóla- og iðnnema, háskólanema, háskólanema á framhaldsstigi og listnema. Landsbankinn er eini bankinn sem veitir sérstaka listnámsstyrki.

Dómnefndin leitaðist við að velja framúrskarandi námsmenn með mikinn metnað og framtíðarsýn sem nefndin taldi líklega til að auðga íslenskt samfélag í framtíðinni.  Einnig var litið til annarra atriða við valið svo sem rannsókna og greinaskrifa, meðmæla, sjálfboðastarfa, afreka í íþróttum og þátttöku í félagsmálum svo nokkuð sé nefnt.

Styrkþegar ársins 2010 eru:

Styrkir til framhaldsskóla- og iðnnáms - 150.000 kr. hver

  • Arnar Pétursson
  • Eva Hrund Hlynsdóttir
  • Olga Sigurðardóttir

Styrkir til háskólanáms - 300.000 kr. hver

  • Birna Þórisdóttir
  • Hafsteinn Einarsson
  • Halla Oddný Magnúsdóttir

Styrkir til háskólanáms á framhaldsstigi - 350.000 kr. hver

  • Charlotte Ólöf Jónsdóttir Ferrier
  • Freyja Haraldsdóttir
  • Gunnsteinn Hall
  • Ólafur Garðar Halldórsson

Styrkir til listnáms - 350.000 kr. hver

  • Arngunnur Árnadóttir
  • Ása Hjörleifsdóttir
  • Hera Hilmarsdóttir
  • Karitas Möller

Í dómnefnd sátu Gunnar Helgi Hálfdanarson, formaður bankaráðs Landsbankans, Rannveig Rist forstjóri Alcan á Íslandi, Runólfur Smári Steinþórsson, forstöðumaður MBA náms við HÍ, Kolbrún Halldórsdóttir, forseti Bandalags íslenskra listamanna, Atli Atlason framkvæmdastjóri Starfsmannasviðs og Óskar Hafnfjörð Auðunsson forstöðumaður markaðsdeildar.

06. desember 2019 15:18

Umræðan: Birkir Rúnar Gunnarsson - „Aðgengismál ekki svartagaldur fyrir örfáa“

Tæknin sem gerir símanum okkar kleift að skilja mannsraddir og gefa tækjunum okkar raddir hefur gjörbreytt lífi fólks með fötlun. Birkir Rúnar Gunnarsson, sérfræðingur í aðgengismálum, segir tækifæri tækninnar óviðjafnanleg en að það skipti öllu máli að gera hlutina rétt.


Nánar

05. desember 2019 10:36

Hagsjá: Hlutdeildarlán – ný lausn í mótun hjá stjórnvöldum

Stjórnvöld hafa boðað frumvarp um hlutdeildarlán sem er ætlað að auðvelda tekju- og eignalitlum einstaklingum að eignast íbúð. Í umfjöllun Unu Jónsdóttur, hagfræðings, kemur m.a. fram að markhópurinn þurfi að vera vel skilgreindur og séð til þess að stuðningurinn fari ekki til annarra en hann er ætlaður.


Nánar

22. nóvember 2019 13:37

Ekki hægt að skipta 500 evru seðlum eftir 5. desember

Landsbankinn mun ekki taka við 500 evru seðlum frá og með 5. desember nk. en útgáfu 500 evru seðla hefur verið hætt. Áfram verður hægt að skipta 500 evru seðlum í bönkum á evrusvæðinu, samanber meðfylgjandi tilkynningu Seðlabanka Evrópu.


Nánar