Fréttir

08. júní 2012 16:13

Landsbankinn styrkir framúrskarandi námsmenn

Fimmtán námsmenn fengu í dag úthlutað námsstyrkjum úr Samfélagssjóði Landsbankans. Styrkirnir eru nú veittir í 23. sinn.  Ríflega 1250 umsóknir bárust sjóðnum og hafa þær aldrei verið fleiri.

Í ár var ákveðið að fjölga flokkum um einn og bæta við styrkjum til nemenda í iðn- og verknámi. Flokkarnir eru því orðnir fimm. Jafnframt var ákveðið að hækka heildarupphæð námsstyrkja frá fyrra ári og nemur hún nú 5,4 milljónum króna, sem er hæsta styrkveiting banka af þessu tagi á Íslandi.

Veittir eru styrkir til framhaldsskólanema, iðn- og verknema, háskólanema,til háskólanema í framhaldsnámi og listnema en Landsbankinn er eini bankinn sem veitir sérstaka listnámsstyrki.

Dómnefndin leitaðist við að velja metnaðarfulla, framúrskarandi námsmenn með framtíðarsýn sem nefndin taldi líklega til að auðga íslenskt samfélag í framtíðinni. Einnig var litið til annarra atriða við valið svo sem rannsókna og greinaskrifa, meðmæla, sjálfboðastarfa, afreka í íþróttum og þátttöku í félagsstarfi svo nokkuð sé nefnt.

Námsstyrkir Landsbankans
Styrkþegar námsstyrkja Landsbankans ásamt Steinþóri Pálssyni, bankastjóra Landsbankans, og Runólfi Smára Steinþórssyni, formanni dómnefndar námsstyrkja og prófessor við Háskóla Íslands.

Styrkþegar námsstyrkja Landsbankans 2012

Styrkir til framhaldsskólanáms - 200.000 kr. hver

  • Erna Ósk Björgvinsdóttir - náttúrufræðibraut
  • Heiður Þórisdóttir - eðlisfræðibraut
  • Sigmundur Ragnar Helgason - náttúrufræðibraut

Styrkir til iðn- og verknáms - 350.000 kr. hver

  • Ólöf Sunna Gautadóttir - grunnám í upplýsinga- og fjölmiðlagreinum
  • Steinar Sólveigarson - húsasmíði
  • Sunna Björg Reynisdóttir - gull- og silfursmíði

Styrkir til háskólanáms - 350.000 kr. hver

  • Guðmundur Kári Stefánsson - eðlisfræði
  • Lilja Kristinsdóttir - efnafræði
  • Tinna Frímann Jökulsdóttir - hugbúnaðarverkfræði og íslenska

Styrkir til framhaldsnáms á háskólastigi - 450.000 kr. hver

  • Einar Búi Magnússon - doktorsnám í eðlisfræði
  • Kristrún Mjöll Frostadóttir - doktorsnám í hagfræði
  • Ragnhildur I. Bjarnadóttir - meistaranám í lýðheilsufræðum

Styrkir til listnáms - 450.000 kr. hver

  • Friðrik Steinn Friðriksson - meistaranám í upplifunarhönnun
  • Gróa Margrét Valdimarsdóttir - framhaldsnám á doktorsstigi í fiðluleik
  • Jörundur Ragnarsson - meistaranám í kvikmyndaleikstjórn

Samfélagssjóður Landsbankans veitir fimm tegundir styrkja á hverju ári: Námsstyrki, samfélagsstyrki, nýsköpunarstyrki, umhverfisstyrki og afreksstyrki.

Í dómnefnd sátu: Runólfur Smári Steinþórsson prófessor við Háskóla Íslands, Kolbrún Halldórsdóttir forseti Bandalags íslenskra listamanna, Ragnhildur Geirsdóttir, Baldur G. Jónsson mannauðsstjóri Landsbankans og Elínborg V. Kvaran markaðsstjóri Landsbankans.

04. ágúst 2020 09:15

Vikubyrjun 4. ágúst 2020

Hagstofan birti á dögunum bráðabirgðatölur um flutninga fólks til og frá landinu á öðrum ársfjórðungi og er greinilegt að útbreiðsla Covid-19-faraldursins hefur þar haft áhrif. Mun færri íslenskir ríkisborgarar fluttu af landi brott og að sama skapi fluttu mun færri erlendir ríkisborgarar til landsins en oft áður á þessum tíma árs.


Nánar

30. júlí 2020 15:59

Uppgjör Landsbankans fyrir fyrri helming ársins 2020

Afkoma Landsbankans var neikvæð um 3,3 milljarða króna eftir skatta á fyrri helmingi ársins 2020 samanborið við 11,1 milljarðs króna hagnað á sama tímabili árið 2019. Virðisrýrnun útlána nam 13,4 milljörðum króna á tímabilinu sem jafngildir um 1,1% af útlánasafni bankans, samanborið við virðisrýrnun upp á 2,4 milljarða króna á sama tímabili í fyrra.


Nánar

30. júlí 2020 10:42

Hagsjá: Aukin sala nýbygginga

Fleiri nýjar íbúðir seldust á öðrum ársfjórðungi í ár samanborið við sama tíma í fyrra. Mikið hefur verið byggt á síðustu árum og sums staðar hefur verð lækkað.


Nánar

Skráðu þig á póstlista