Fréttir

19. ágúst 2019 09:59

Dagskrá í Landsbankanum á Menningarnótt

Menningarnótt verður haldin hátíðleg í miðborg Reykjavíkur laugardaginn 24. ágúst 2019. Landsbankinn hefur verið máttarstólpi Menningarnætur frá upphafi og býður að venju upp á fjölbreytta menningardagskrá í Austurstræti 11.

13.00 Listaverkaganga með Aðalsteini Ingólfssyni listfræðingi

  • Aðalsteinn Ingólfsson listfræðingur kynnir myndlist í bankanum. Listaverkagangan hefur verið á dagskrá bankans á Menningarnótt um árabil og er alltaf jafn vinsæl.
  • 13.00 Fyrsta ganga
  • 14.00 Önnur ganga

15:00 Pétur og úlfurinn brúðuleikhús – Bernd Ogrodnik

  • Sýningin um Pétur og úlfinn er byggð á sögu og tónverki Sergei Prokofiev. Bernd Ogrodnik brúðuleikari og brúðugerðarmaður færir okkur ævintýrið í formi brúðuleikhúss, þar sem tónlistin er birt myndrænt, með aðstoð handútskorinna leikbrúða sem Bernd stjórnar af sinni alkunnu snilld.

16:00 Auður

  • Auður mun meðal annars flytja lög af plötunni Afsakanir sem kom út í lok síðasta árs.

17.00 Jón Jónsson

  • Jón Jónsson mætir með gítarinn og flytur nokkur af sínum vinsælustu lögum fyrir áhorfendur.

 

06. febrúar 2020 16:17

Uppgjör Landsbankans fyrir árið 2019

Hagnaður Landsbankans á árinu 2019 nam 18,2 milljörðum króna, eftir skatta. Arðsemi eiginfjár Landsbankans var 7,5% á árinu 2019, samanborið við 8,2% arðsemi árið 2018. Arðsemi eiginfjár án bankaskatts var 9,2% en markmið bankans er að ná að lágmarki 10% arðsemi eiginfjár, að teknu tilliti til áhrifa bankaskatts.


Nánar

24. febrúar 2020 08:37

Hagsjá: Minnstu launabreytingar í níu ár - en kaupmáttur enn á uppleið

Þrátt fyrir mun minni launabreytingar en á síðustu árum er kaupmáttur enn að aukast. Kaupmáttur launa var þannig 3,2% meiri nú í janúar en í janúar í fyrra. Árið í fyrra var níunda árið í röð sem kaupmáttur launa jókst frá fyrra ári. Kaupmáttur dróst saman árin 2008-2010 en hafði aukist á hverju ári í 13 ár þar á undan.


Nánar

24. febrúar 2020 08:20

Vikubyrjun 24. febrúar 2020

Verulega hefur hægt á vexti einkaneyslu frá árinu 2017 samhliða hægari kaupmáttaraukningu launa. Upplýsingar um kortaveltu á 4. ársfjórðungi síðasta árs benda hins vegar til þess að nokkur aukning hafi orðið á einkaneyslu á þeim fjórðungi.


Nánar