Fréttir

26. ágúst 2019 16:47

Gleði og gaman í Landsbankanum á Menningarnótt

Fjöldi fólks lagði leið sína í Landsbankann í Austurstræti á Menningarnótt 24. ágúst sl. og naut þar fjölbreyttrar dagskrár, líkt og glöggt má sjá af myndum sem þar voru teknar. Landsbankinn hefur verið máttarstólpi hátíðarinnar frá upphafi og ávallt boðið upp á menningardagskrá í Austurstrætisútibúinu.

Það er orðinn fastur liður að dagskráin hefjist á listaverkagöngu um bankann með Aðalsteini Ingólfssyni, listfræðingi. Í kjölfarið mætti svo á svið Bernd Ogrodnik brúðugerðarmaður og – leikari og færði okkur ævintýrið Pétur og úlfurinn í formi brúðuleikhúss.

Tónlistarmaðurinn Auður steig næstur á svið og lék nokkur af sínum vinsælustu lögum. Að lokum var svo komið að Jóni Jónssyni og sló hann botninn í dagskrána hjá okkur á þessum skemmtilega degi.

Við þökkum öllum sem lögðu leið sína í Landsbankann í Austurstræti kærlega fyrir komuna.

Myndasafn á Facebook-síðu Landsbankans

17. október 2019 13:51

Umræðan: Sæmdarkúgun – óþægilegar en innihaldslausar hótanir

Ein tegund fjárkúgunar er svonefnd sæmdarkúgun (e. sextortion) þar sem vegið er að sæmd og friðhelgi viðkomandi í þeim tilgangi að beita kúgun. Fjallað er um sæmdarkúgun í nýrri grein á Umræðunni. Október er í Evrópu helgaður baráttu fyrir auknu netöryggi og Landsbankinn tekur þátt í átakinu.


Nánar

15. október 2019 10:30

Landsbankinn + Iceland Airwaves kynna: Tómas Welding

Landsbankinn hitar upp fyrir Iceland Airwaves með því að birta ný myndbönd og viðtöl við ungt tónlistarfólk á Iceland Airwaves-vef bankans. Nú er komið að síðasta myndbandinu sem er með söngvaranum Tómasi Welding.


Nánar

16. október 2019 10:11

Hagsjá: Íbúðamarkaðurinn tekur við sér

Íbúðaverð hækkaði um 0,6% milli mánaða í september. Verð á fjölbýli hefur ekki hækkað meira milli mánaða síðan í nóvember 2018.


Nánar