Fréttir

30. ágúst 2019 12:05

Ný útgáfa af almennum viðskiptaskilmálum Landsbankans

Landsbankinn hefur gefið út nýja útgáfu af almennum viðskiptaskilmálum. Með útgáfunni eru uppfærð ákvæði um vinnslu persónuupplýsinga, ákvæði um reikninga og greiðslur í erlendum gjaldmiðli og viðmiðunargengi, sem og ákvæði um upplýsingagjöf og tilkynningar til viðskiptavina bankans. Nýju skilmálarnir gilda frá og með 1. september 2019 gagnvart nýjum viðskiptavinum en frá og með 1. nóvember 2019 gagnvart núverandi viðskiptavinum.

Almennir viðskiptaskilmálar Landsbankans (ný útgáfa)

Helstu breytingar á almennum viðskiptaskilmálunum eru eftirfarandi:

  1. Upplýsingagjöf og tilkynningar til viðskiptavina (greinar 1.2, 2.9, 4.4 og 4.6): Opnað er fyrir fleiri samskiptaleiðir milli bankans og viðskiptavinar varðandi skilaboð, upplýsingar og tilkynningar vegna viðskipta við bankann, t.d. breytingar á skilmálum, vöxtum og kostnaði.
  2. Vinnsla persónuupplýsinga (grein 2.1): Ákvæði um heimildir bankans til vinnslu persónuupplýsinga eru skýrð. M.a. er bætt við ákvæðum um fræðslu að því er varðar upplýsingar sem bankinn kann að sækja til þriðju aðila í tilefni af afgreiðslu á beiðni viðskiptavinar um útlán, sem og miðlun upplýsinga um útlán og skuldastöðu viðskiptavinar til þriðju aðila í tilefni vanskila.
  3. Reikningar og greiðslur í erlendum gjaldmiðlum og viðmiðunargengi (grein 4.5): Kveðið er á um að gengi til útreiknings á erlendum færslum greiðslukorta og færslum í annarri mynt en grunnmynt greiðslukorts taki breytingum sem byggjast á breytingum á gengisskráningu hjá viðkomandi kortafyrirtæki auk álags eða eftir atvikum affalla.  

Í samræmi við ákvæði laga um greiðsluþjónustu hefur núverandi viðskiptavinur rétt á að tilkynna bankanum um uppsögn rammasamnings um greiðsluþjónustu fyrir 1. nóvember 2019 ef hann samþykkir ekki breytingarnar. Núverandi viðskiptavinur telst hafa samþykkt breytingarnar tilkynni hann bankanum ekki um annað fyrir 1. nóvember 2019.

12. nóvember 2019 09:28

Hagsjá: Fjáraukalög 2019 - ágætar horfur fyrir árið miðað við það sem vænta mátti

Samkvæmt fjárlögum árisins 2019 var heildarjöfnuður ríkissjóðs 28,6 ma.kr. Um það leyti sem fjárlagafrumvarp fyrir árið 2020 var lagt fram var reiknað með að halli yrði á rekstri ríkissjóðs um 8,8 ma.kr. á árinu 2019.


Nánar

11. nóvember 2019 14:56

Jafnréttismál á vinnustöðum til umræðu

Ráðstefna um jafnréttismál á vinnustöðum var haldin á Egilsstöðum föstudaginn 8. nóvember. Alcoa Fjarðaál, Landsvirkjun og Landsbankinn stóðu að ráðstefnunni. Rætt var um mikilvægi þess að leggja áherslu á jafnréttismál á vinnustöðum og í atvinnulífinu.


Nánar

11. nóvember 2019 08:18

Vikubyrjun 11. nóvember 2019

Í vikunni lækkaði peningastefnunefnd vexti Seðlabankans um 0,25 prósentustig. Meginvextir bankans, þ.e. vextir á sjö daga bundnum innlánum, eru núna 3% og hafa aldrei verið lægri. Hins vegar eru raunstýrivextir út frá liðinni verðbólgu enn sem komið er jákvæðir, en þeir hafa nokkrum sinnum verið neikvæðir, síðast árið 2012.


Nánar