Fréttir

03. september 2019 08:49

Landsbankinn breytir vöxtum

Fastir vextir óverðtryggðra íbúðalána til 60 mánaða lækka um 0,20 prósentustig og fastir vextir til 36 mánaða lækka um 0,10 prósentustig. Fastir vextir verðtryggðra íbúðalána til 60 mánaða lækka um 0,10 prósentustig.

Breytilegir vextir óverðtryggðra íbúðalána lækka um 0,10 prósentustig. Breytilegir vextir bíla- og tækjafjármögnunar lækka um 0,10 – 0,50 prósentustig. Vextir á yfirdráttarlánum og fjölgreiðslulánum lækka um 0,25 prósentustig. Aðrir breytilegir óverðtryggðir útlánsvextir í krónum lækka um 0,10 - 0,25 prósentustig.

Breytilegir innlánsvextir í krónum lækka í flestum tilvikum um 0,05 - 0,20 prósentustig en standa í öðrum tilvikum í stað.

vaxtatafla Landsbankans tekur gildi 3. september 2019.

06. febrúar 2020 16:17

Uppgjör Landsbankans fyrir árið 2019

Hagnaður Landsbankans á árinu 2019 nam 18,2 milljörðum króna, eftir skatta. Arðsemi eiginfjár Landsbankans var 7,5% á árinu 2019, samanborið við 8,2% arðsemi árið 2018. Arðsemi eiginfjár án bankaskatts var 9,2% en markmið bankans er að ná að lágmarki 10% arðsemi eiginfjár, að teknu tilliti til áhrifa bankaskatts.


Nánar

24. febrúar 2020 08:37

Hagsjá: Minnstu launabreytingar í níu ár - en kaupmáttur enn á uppleið

Þrátt fyrir mun minni launabreytingar en á síðustu árum er kaupmáttur enn að aukast. Kaupmáttur launa var þannig 3,2% meiri nú í janúar en í janúar í fyrra. Árið í fyrra var níunda árið í röð sem kaupmáttur launa jókst frá fyrra ári. Kaupmáttur dróst saman árin 2008-2010 en hafði aukist á hverju ári í 13 ár þar á undan.


Nánar

24. febrúar 2020 08:20

Vikubyrjun 24. febrúar 2020

Verulega hefur hægt á vexti einkaneyslu frá árinu 2017 samhliða hægari kaupmáttaraukningu launa. Upplýsingar um kortaveltu á 4. ársfjórðungi síðasta árs benda hins vegar til þess að nokkur aukning hafi orðið á einkaneyslu á þeim fjórðungi.


Nánar