Áreiðanleikakönnun lögaðila

Framkvæma þarf áreiðanleikakönnun við upphaf viðskiptasambands og með reglubundnum hætti eftir það. Forsvarsmaður lögaðila í viðskiptum getur svarað áreiðanleikakönnun í netbanka fyrirtækja. Áreiðanleikakönnunina finnur hann undir Stillingar. Ef viðkomandi forsvarsmaður er ekki með netbanka fyrirtækja fær hann tilkynningu í gegnum tölvupóst eða síma.

Með áreiðanleikakönnun er bankinn að sinna eftirliti með peningaþvætti og fjármögnun hryðjuverka líkt og lög kveða á um og samkvæmt sömu lögum þurfa allir viðskiptavinir að veita þessar upplýsingar um viðskipti sín við fjármálafyrirtæki.

Það er einfalt að svara:

  • Bankinn sækir og birtir þær upplýsingar sem til eru um lögaðilann sjálfan, forsvarsmenn hans og raunverulega eigendur í opinberar skrár (til fyrirtækjaskrár eða hlutafélagaskrár RSK)  sem forsvarsmaður þarf einungis að staðfesta að séu réttar.
    • Ef upplýsingarnar eru ekki réttar þarf forsvarsmaður félagsins að leiðrétta þær hjá fyrirtækjaskrá RSK og sjá þær uppfærast í netbanka fyrirtækja til að geta staðfest réttar upplýsingar þar.
    • Ef upplýsingar um forsvarsmenn lögaðila eru ekki skráðar hjá fyrirtækjaskrá RSK þarf forsvarsmaður hans að skrá þær hjá bankanum og láta fylgja með gögn sem staðfesta skráninguna.
  • Þessu til viðbótar eru nokkrar almennar spurningar um lögaðilann, viðskipti hans og raunverulega eigendur. Það fer eftir félagaformi lögaðila hvaða spurningum þarf að svara lögum samkvæmt. Því eru húsfélög t.d. ekki að svara jafn mörgum spurningum og einkahlutafélög o.s.frv.
  • Að lokum þurfa allir forsvarsmenn lögaðila (s.s. stjórn, framkvæmdastjórn og prókúruhafar) og raunverulegir eigendur að eiga gild skráð skilríki hjá bankanum.
    • Ef skilríki vantar hjá einhverjum þessara aðila geta viðkomandi einstaklingar skráð skilríkin sín í gegnum vef Landsbankans ef þeir eiga rafræn skilríki eða komið í næsta útibú Landsbankans með löggild persónuskilríki þ.e. ökuskírteini, vegabréf eða nafnskírteini og látið skrá þau.
  • Viðskiptavinir geta verið beðnir um að leggja fram gögn til að staðfesta gefnar upplýsingar.
  • Forsvarsmenn lögaðila geta frestað því að svara áreiðanleikakönnuninni í ákveðinn tíma en þegar sá tímafrestur rennur út þarf bankinn að loka fyrir allar sjálfsafgreiðsluleiðir lögaðilans og að endingu læsa öllum reikningum fyrir inn- og útborgunum, þar til umbeðnar upplýsingar hafa verið veittar. 

Spurt og svarað

  • Hvað er upphaf viðskiptasambands?
  • Hvað er átt við með forsvarsmaður lögaðila?
  • Hvað er átt við með raunverulegur eigandi?
  • Hvaða gögn get ég þurft að leggja fram fyrir lögaðila?
  • Af hverju þarf ég svara sömu spurningunum oft?
  • Hvenær þarf að svara næst?
  • Hvað gerist ef ég svara ekki?

Ef einhverjar spurningar eða vandamál koma upp geta viðskiptavinir haft samband við þjónustuver fyrirtækja á netfangið fyrirtaeki@landsbankinn.is eða í síma 410-5000.