A2A-greiðslulausn

Millifærðu með nýjum leiðum

Greiðslulausnin gerir viðskiptavinum bankans kleift að millifæra í appi eða á vefsíðu fyrirtækis, beint út af bankareikningi sínum í Landsbankanum, án þess að nota debet- eða kreditkort. Með sömu aðferð má greiða beint út af bankareikningi með því að bera símann að posa úti í búð. Hægt er að millifæra allt að 200.000 krónur á sólarhring en fyrirtækið, sem viðskiptavinur notar app eða vefsíðu frá, getur ákveðið lægri úttektarmörk.

Öryggið í fyrirrúmi

Fyrirtæki fá ekki aðgang að greiðslureikningum viðskiptavina nema að fengnu sérstöku samþykki þeirra. Auk þess er aðgangur að A2A-greiðslulausninni aðeins veittur fyrirtækjum sem uppfylla skilyrði bankans, s.s. um fjárhagslegt heilbrigði, öryggi hugbúnaðarlausnar og orðsporsáhættu. Nánari upplýsingar um meðferð persónuupplýsinga hjá Landsbankanum er að finna í persónuverndarstefnu bankans. Vakin er athygli á að fyrirtækið ber sjálft ábyrgð á að upplýsa viðskiptavini um hvernig farið er með persónuupplýsingar viðskiptavinar Landsbankans í appi eða annari lausn fyrirtækisins.

Hvernig eru bankaupplýsingar viðskiptavinar tengdar við app eða vefsíðu þriðja aðila?

Viðskiptavinur veitir fyrirtæki heimild til að nálgast ákveðnar persónuupplýsingar og senda bankanum greiðslufyrirmæli að hans beiðni. Nota verður rafræn skilríki til að tryggja örugga auðkenningu og veita samþykkið. Tengingin er framkvæmd í nokkrum einföldum skrefum og það ræðst af eðli appsins eða vefsíðunnar hve umfangsmikilla heimilda fyrirtæki óskar eftir. Óski appið eða vefsíðan eftir öllum heimildum sem greiðslulausn bankans býður upp á getur ferlið til dæmis verið með eftirfarandi hætti:

 

Markaðstorg

Samstarfsaðilar Landsbankans

Hér mun birtast yfirlit yfir samstarfsaðila. Sem stendur er Landsbankinn að fara yfir umsóknir fyrirtækja.

Viltu gerast samstarfsaðili?

Við viljum endilega heyra í þér. Okkur er sönn ánægja að aðstoða þig við að tengjast API-greiðslulausn bankans eða öðrum vörum. Sendu okkur póst á fjartaekni@landsbankinn.is.