Aðgangur

Beiðni um aðgang að persónuupplýsingum

Persónuverndarlögin veita þér rétt til staðfestingar á því hvort Landsbankinn vinni persónuupplýsingar um þig og ef svo er, rétt til fá aðgang að þeim persónuupplýsingunum. Þá ber bankanum að láta þig fá afrit af þeim persónuupplýsingum sem eru í vinnslu.

Vakin er athygli á því að afhending persónuupplýsinga má ekki skerða réttindi og frelsi annarra þriðju aðila og eftir atvikum getur bankinn þurft að strika út persónuupplýsingar um óviðkomandi aðila ef finna má persónuupplýsingar um þá í umbeðnum gögnum.

Landsbankanum ber að upplýsa þig um eftirfarandi atriði:

  1. Í hvaða tilgangi persónuupplýsingar þínar eru unnar í starfsemi bankans
  2. Hvaða flokkar persónuupplýsinga eru unnar um þig í starfsemi bankans og um uppruna þeirra ef upplýsinganna var aflað frá þriðja aðila
  3. Viðtakendur eða flokka viðtakenda sem hafa fengið eða munu fá persónuupplýsingarnar þínar í hendur
  4. Hversu lengi er fyrirhugað að varðveita persónuupplýsingar þínar
  5. Hvort fram fari sjálfvirk ákvarðanataka, þ.m.t. gerð persónusniðs um þig
  6. Réttindi sem nýju lögin færa þér og rétt til að leggja fram kvörtun hjá persónuverndaryfirvöldum.

Upplýsingar samkvæmt liðum 1. - 6. má nálgast í persónuverndarstefnu Landsbankans.


Ef þú telur bankann búa yfir frekari persónuupplýsingum um þig en afhentar eru getur þú óskað eftir frekari aðgangi með því að senda póst á persónuverndarfulltrúa bankans á netfangið personuvernd@landsbankinn.is. Í þeim tilvikum þarf að tilgreina sérstaklega hvaða upplýsingar um ræðir.

Afgreiðsla beiðna

Bankinn mun upplýsa þig um aðgerðir sem gripið er til vegna beiðni þinnar um aðgang að persónuupplýsingu, innan mánaðar frá viðtöku hennar. Svo unnt sé að afgreiða aðgangsbeiðnina er bankanum nauðsynlegt að afla persónuupplýsinga um þig til að tryggja auðkenningu og vinna úr beiðninni.

Skýrslur með persónuupplýsingum umsækjenda eru aðgengilegar undir rafrænum skjölum í netbanka viðkomandi í 90 daga. Að þeim tíma loknum er skýrslum eytt í samræmi við meðalhófskröfu personuverndarlaga.

Verði Landsbankinn ekki við beiðni þinni getur þú lagt fram kvörtun hjá persónuverndarfulltrúa bankans eða hjá Persónuvernd.


Þú getur óskað eftir aðgangi að persónuupplýsingum þínum með því að fylla út eftirfarandi reiti og haka við þær tegundir upplýsinga sem þú óskar eftir:

?
?
?
?
?
?
?
?
?

* Stjörnumerkt svæði er nauðsynlegt að fylla úr